ထိုည (ကြည်အေး)
ထိုည
အပျိုမကလေးသည် မော့၍ ကြည့်လိုက်၏။ လသည် အင်မတန်ပင်မြင့်၍နေလေပြီ။ လသည် ပြာသော ကောင်းကင်ဝယ် ရွှေရောင်လိုလို ငွေရောင်လိုလို ၀င်းမှည့်နေသဖြင့် ဖဲပြာပေါ်တွင် ဟိုလိမ့်သည်လိမ့် လိမ့်ကာ ဟန်ယူနေသော အရည်ရင့်ရင့် ပုလဲလုံးနှင့် ပမာတူ၏။ ဆောင်တော်ကူးခိုင်ပမာ အိ၍နေသော တိမ်တောင်တို့သည် လရောင်တစ်ဝက်၊ အရိပ်တစ်ဝက်ဖြင့် ပြိုတော့မည့်ပမာ လေးပင်စွာ တွဲကျနေပေ၏။ စိန်ကြယ်ပွင့်တို့သည်လည်း တဖျတ်ဖျတ်တောက်ကာ မျက်တောင်တခတ်ခတ်နှင့် လက်နေကြလေသည်။
လေသည် “ကန်သာ” ကို ဖြတ်၍ ပြတင်းမှ တိတ်တဆိတ် ခိုးဝင်ကာ မေ့ဆေးသဖွယ် ကြာပန်းရနံ့များဖြင့် မူးမေ့ခွေပျော့သွားအောင် ထုံလိုက်လေ၏။ ပြတင်းမှာ တွယ်ကပ်နေသည့် အိုင်ဗီနွယ်များသည် လရောင်တွင် လှနေကြ၏။ ပျော့ညက်သော ခန်းဆီးအဖြူသည် လရှိရာသို့ လက်လှမ်းကာ လူးလိမ့်နေ၏။
အပျိုမကလေးသည် ည၏ အလှကို အနုစိတ်၍ အမွှမ်းတင်ကာ နူးညွှတ်ဖွယ်ရာ စိတ်ကူးအိပ်မက် မက်နေ၏။ လွမ်းရမလိုလို၊ ဆွေးရမလိုလို ထိုအိပ်မက်သည် ဇာတ်လမ်းအခြေတည်စရာ မရှိသဖြင့် အရှည်ကြီး မျောနေတော့သည်။ အနက်မထင်သော အိမ်မက်သည် သူ့အား နွမ်းလျခွေပျော့ကာ တဆန့်ငင်ငင် ဖြစ်စေလေ၏။ ကိုင်း … ဘာလိုနေပါလိမ့်။ ည၏ အလှကို စိတ်ဝင်စားနေသည်မှာ ရူးသွပ်စွာ တစ်ဖက်သက်ပင် အယူသီးနေတော့မလောက် ဖြစ်၏။ သို့ပေမယ့် ကျေနပ်နှစ်သိမ့်မှု မရှိပဲ ဟာနေသည်မှာ ဘာလိုနေပါသလဲ။
အပျိုမကလေးသည် အိပ်ရာပေါ်သို့ နွမ်းလျစွာ လှဲချလိုက်သည်။ ပြတင်းမှ မြင်ရသော လ၊ တိမ်၊ ကြယ်တို့နှင့် ပြည့်စုံသည့် ကောင်းကင် တစ်ဝက်တစ်ပျက်ကို ပြတင်းပေါင်သည် ပန်းချီကားတစ်ချပ်ဖြစ်အောင် လေးထောင့်ပုံ ကွယ်ပေးလေ၏။ သူမသည် ညပန်းချီကားကို ကြည့်ရင်း ပို၍ပို၍ နွမ်းခွေလာလေ၏။ ထိုပန်းချီကားချပ်သည် ကဗျာယဉ်တစ်ပုဒ်ပမာ သူမအား ညှို့နိုင်စွမ်းသည်။
ဂီတသံကို ကြားရလေသည်။
ဂီတသံသည် အလွန်တရာ အေးဆေးချွဲနွဲ့သော တယောနှင့် အဆိုတွဲထားသည့် အသံပင် ဖြစ်၏။ အသံသည် သဲ့သဲ့ကလေး ပေါ်လာရာမှ အလွန်ဖြည်းလေးစွာ နီး၍နီး၍လာ၏။ အနီးဆုံးသို့ ရောက်လာလေ၏။ ဝေးရာမှ နီးလာသော်လည်း နီးရာမှ ဝေးမသွားချေ။ အပျိုမကလေးသည် အသက်မရှုပဲ စိတ်ထက်သန်စွာ နားထောင်၏။
“ပန်းပွင့်တွေလည်း လရောင်ဦးဝယ်
ငှက်ကလေးတွေလည်း တေးသံကျူးကာ
မြူးလို့ ချစ်သွေးဝင်
ငယ်ချစ်ခင် မောင့်ရင်တွင်းမှာ
ချစ်တင်းဆိုလို့ ပျော်စေချင် … ”
အပျိုမကလေးသည် သူကိုယ်တိုင် ဇာတ်လိုက်ဖြစ်လာ၏။ အလွန်နွဲ့လျစွာ ထ ထိုင်လေ၏။ ဂီတသံသည် သူမ၏ ပြဿနာကို ရှင်းပေး၏။ ဘာလိုနေသည်ကို ရိပ်မိလာလေ၏။ သူမသည် ပင့်သက်ရှူကာ ပခုံးကို တွန့်လိုက်လေ၏။
သူမ၏ စိတ်မျက်စိဝယ် မိန်းမပျိုကလေး၏ အချစ်ကို မျှော်မှန်းခွင့်ပန်နေသော ယောင်္ကျားပျို၏ သဏ္ဍာန် တယောပိုက်နေဟန်ကို မြင်ရပေ၏။ ယောင်္ကျားပျိုသည် အချစ်သွေးကြောင့် မည်မျှ တုန်လှုပ်ချောက်ချား နေလိမ့်မည်နည်း။ သူ၏ မျက်လုံးတို့သည် မည်မျှ ၀င်းပြောင်နေလိမ့်မည်နည်း။
တယောသံသည် လှိုင်းတွန့်ကလေးဖော်သွား၏။ ပန်းခက်ကလေးတွေကို ဖော်သွား၏။ အရောင် အလျဉ်းသင့်စွာ စပ်သွား၏။ အကွက်စိပ်ကလေးများ မထိတထိ ဆက်စပ်၏။
ဂီတသံသည် ကရုဏာသံ ပါ၏။ ချစ်သော်လည်း မုန်းချင်စရာ၊ အင်မတန်ပဲ ချွဲလွန်းလှသည်။ ဂီတသံသည် အသက်ပါ၏။ အားတက်သည့် အရိပ်အရောင်ကိုလည်း ပြလေ၏။ လက်လလျှော့မလိုလိုလည်း ထင်ရသည့် ကြောက်ရွံ့သလိုလို၊ စကားနာထိုးသလိုလို အနေအထားနှင့် အချစ်ဝေဒနာကို ပြဆို၏။
အဖြေထွက်ပြီးပြီ။
ပန်းနတ်သမီးကလေး၏ အဟန်ဖြင့် ဒူးချ၍ ထိုင်နေရာမှ ဒူးထောက်ကာ ပြတင်းကို မှီလေ၏။ အပျိုမကလေးသည် စောင့်စားနေသည့် ချစ်သူသို့ ညွှတ်ခဲ့လေပြီ။ သူမသည် အနက်မထင်သည့် အညည်းကလေး တစ်ချက်ကို တိုးတိုးသက်သာ မှုတ်ထုတ်ကာ မ၀ံ့မရဲ ရှေ့သို့ယွန်း၍ ပြတင်းမှ ငုံ့ကာ ဂီတသံဖြင့် အချစ်ပန်ကြားနေသူကို ကြည့်လိုက်လေသည်။
“ ဟာ ”
ယောင်္ကျားပျိုသည် တယောပိုက်ကာ စောင့်စားနေဟန်ပင်။ သို့သော် အောက်တန်းစားတစ်ယောက်၊ ခေါင်းစုတ်ဖွားနှင့်၊ အ၀တ်အစားသည်လည်း အထက်တန်းစား၏ ဂိုက်မျိုး တစ်စက်မျှမပါချေ။ လမ်းဘေး ဖုတ်တောထဲမှာ ထိုင်လို့ပါပကော၊ ဘယ့်နှယ် ကြမ်းပိုးပါလိမ့်၊ ဂီတသံနှင့် မတန်လိုက်သည့် ဖြစ်ခြင်း။
အပျိုမကလေးသည် ရင်ကို မ ကာ အနောက်သို့ ယိုင်သွားလေ၏။ ငြူစူသော မျက်နှာထား၊ ကျိန်ဆဲနေသော နှလုံးဖြင့် ပြတင်းတံခါးကို ဂျုံးခနဲ ပိတ်၏။ အိုင်ဗီနွယ်ကလေးတစ်နွယ် တံခါးမှာ ညပ်ကာ ကြေမွသွား၏။ ခန်းဆီးကလေးသည်လည်း မြောက်တက်သွား၏။
အပျိုမကလေးသည် အိပ်ရာပေါ်သို့ ဆောင့်အောင့်လှဲချကာ စောင်ကို ခေါင်းမြီးတင်းတင်းခြုံ၍ ၊ မျက်စိအတင်းမှိတ်၍ အိပ်၏။
ညသည်လည်း မလှတော့ပြီ ။ တေးသံသည်လည်း မနုတော့ပြီ ။ ။
ကြည်အေး
အပျိုမကလေးသည် မော့၍ ကြည့်လိုက်၏။ လသည် အင်မတန်ပင်မြင့်၍နေလေပြီ။ လသည် ပြာသော ကောင်းကင်ဝယ် ရွှေရောင်လိုလို ငွေရောင်လိုလို ၀င်းမှည့်နေသဖြင့် ဖဲပြာပေါ်တွင် ဟိုလိမ့်သည်လိမ့် လိမ့်ကာ ဟန်ယူနေသော အရည်ရင့်ရင့် ပုလဲလုံးနှင့် ပမာတူ၏။ ဆောင်တော်ကူးခိုင်ပမာ အိ၍နေသော တိမ်တောင်တို့သည် လရောင်တစ်ဝက်၊ အရိပ်တစ်ဝက်ဖြင့် ပြိုတော့မည့်ပမာ လေးပင်စွာ တွဲကျနေပေ၏။ စိန်ကြယ်ပွင့်တို့သည်လည်း တဖျတ်ဖျတ်တောက်ကာ မျက်တောင်တခတ်ခတ်နှင့် လက်နေကြလေသည်။
လေသည် “ကန်သာ” ကို ဖြတ်၍ ပြတင်းမှ တိတ်တဆိတ် ခိုးဝင်ကာ မေ့ဆေးသဖွယ် ကြာပန်းရနံ့များဖြင့် မူးမေ့ခွေပျော့သွားအောင် ထုံလိုက်လေ၏။ ပြတင်းမှာ တွယ်ကပ်နေသည့် အိုင်ဗီနွယ်များသည် လရောင်တွင် လှနေကြ၏။ ပျော့ညက်သော ခန်းဆီးအဖြူသည် လရှိရာသို့ လက်လှမ်းကာ လူးလိမ့်နေ၏။
အပျိုမကလေးသည် ည၏ အလှကို အနုစိတ်၍ အမွှမ်းတင်ကာ နူးညွှတ်ဖွယ်ရာ စိတ်ကူးအိပ်မက် မက်နေ၏။ လွမ်းရမလိုလို၊ ဆွေးရမလိုလို ထိုအိပ်မက်သည် ဇာတ်လမ်းအခြေတည်စရာ မရှိသဖြင့် အရှည်ကြီး မျောနေတော့သည်။ အနက်မထင်သော အိမ်မက်သည် သူ့အား နွမ်းလျခွေပျော့ကာ တဆန့်ငင်ငင် ဖြစ်စေလေ၏။ ကိုင်း … ဘာလိုနေပါလိမ့်။ ည၏ အလှကို စိတ်ဝင်စားနေသည်မှာ ရူးသွပ်စွာ တစ်ဖက်သက်ပင် အယူသီးနေတော့မလောက် ဖြစ်၏။ သို့ပေမယ့် ကျေနပ်နှစ်သိမ့်မှု မရှိပဲ ဟာနေသည်မှာ ဘာလိုနေပါသလဲ။
အပျိုမကလေးသည် အိပ်ရာပေါ်သို့ နွမ်းလျစွာ လှဲချလိုက်သည်။ ပြတင်းမှ မြင်ရသော လ၊ တိမ်၊ ကြယ်တို့နှင့် ပြည့်စုံသည့် ကောင်းကင် တစ်ဝက်တစ်ပျက်ကို ပြတင်းပေါင်သည် ပန်းချီကားတစ်ချပ်ဖြစ်အောင် လေးထောင့်ပုံ ကွယ်ပေးလေ၏။ သူမသည် ညပန်းချီကားကို ကြည့်ရင်း ပို၍ပို၍ နွမ်းခွေလာလေ၏။ ထိုပန်းချီကားချပ်သည် ကဗျာယဉ်တစ်ပုဒ်ပမာ သူမအား ညှို့နိုင်စွမ်းသည်။
ဂီတသံကို ကြားရလေသည်။
ဂီတသံသည် အလွန်တရာ အေးဆေးချွဲနွဲ့သော တယောနှင့် အဆိုတွဲထားသည့် အသံပင် ဖြစ်၏။ အသံသည် သဲ့သဲ့ကလေး ပေါ်လာရာမှ အလွန်ဖြည်းလေးစွာ နီး၍နီး၍လာ၏။ အနီးဆုံးသို့ ရောက်လာလေ၏။ ဝေးရာမှ နီးလာသော်လည်း နီးရာမှ ဝေးမသွားချေ။ အပျိုမကလေးသည် အသက်မရှုပဲ စိတ်ထက်သန်စွာ နားထောင်၏။
“ပန်းပွင့်တွေလည်း လရောင်ဦးဝယ်
ငှက်ကလေးတွေလည်း တေးသံကျူးကာ
မြူးလို့ ချစ်သွေးဝင်
ငယ်ချစ်ခင် မောင့်ရင်တွင်းမှာ
ချစ်တင်းဆိုလို့ ပျော်စေချင် … ”
အပျိုမကလေးသည် သူကိုယ်တိုင် ဇာတ်လိုက်ဖြစ်လာ၏။ အလွန်နွဲ့လျစွာ ထ ထိုင်လေ၏။ ဂီတသံသည် သူမ၏ ပြဿနာကို ရှင်းပေး၏။ ဘာလိုနေသည်ကို ရိပ်မိလာလေ၏။ သူမသည် ပင့်သက်ရှူကာ ပခုံးကို တွန့်လိုက်လေ၏။
သူမ၏ စိတ်မျက်စိဝယ် မိန်းမပျိုကလေး၏ အချစ်ကို မျှော်မှန်းခွင့်ပန်နေသော ယောင်္ကျားပျို၏ သဏ္ဍာန် တယောပိုက်နေဟန်ကို မြင်ရပေ၏။ ယောင်္ကျားပျိုသည် အချစ်သွေးကြောင့် မည်မျှ တုန်လှုပ်ချောက်ချား နေလိမ့်မည်နည်း။ သူ၏ မျက်လုံးတို့သည် မည်မျှ ၀င်းပြောင်နေလိမ့်မည်နည်း။
တယောသံသည် လှိုင်းတွန့်ကလေးဖော်သွား၏။ ပန်းခက်ကလေးတွေကို ဖော်သွား၏။ အရောင် အလျဉ်းသင့်စွာ စပ်သွား၏။ အကွက်စိပ်ကလေးများ မထိတထိ ဆက်စပ်၏။
ဂီတသံသည် ကရုဏာသံ ပါ၏။ ချစ်သော်လည်း မုန်းချင်စရာ၊ အင်မတန်ပဲ ချွဲလွန်းလှသည်။ ဂီတသံသည် အသက်ပါ၏။ အားတက်သည့် အရိပ်အရောင်ကိုလည်း ပြလေ၏။ လက်လလျှော့မလိုလိုလည်း ထင်ရသည့် ကြောက်ရွံ့သလိုလို၊ စကားနာထိုးသလိုလို အနေအထားနှင့် အချစ်ဝေဒနာကို ပြဆို၏။
အဖြေထွက်ပြီးပြီ။
ပန်းနတ်သမီးကလေး၏ အဟန်ဖြင့် ဒူးချ၍ ထိုင်နေရာမှ ဒူးထောက်ကာ ပြတင်းကို မှီလေ၏။ အပျိုမကလေးသည် စောင့်စားနေသည့် ချစ်သူသို့ ညွှတ်ခဲ့လေပြီ။ သူမသည် အနက်မထင်သည့် အညည်းကလေး တစ်ချက်ကို တိုးတိုးသက်သာ မှုတ်ထုတ်ကာ မ၀ံ့မရဲ ရှေ့သို့ယွန်း၍ ပြတင်းမှ ငုံ့ကာ ဂီတသံဖြင့် အချစ်ပန်ကြားနေသူကို ကြည့်လိုက်လေသည်။
“ ဟာ ”
ယောင်္ကျားပျိုသည် တယောပိုက်ကာ စောင့်စားနေဟန်ပင်။ သို့သော် အောက်တန်းစားတစ်ယောက်၊ ခေါင်းစုတ်ဖွားနှင့်၊ အ၀တ်အစားသည်လည်း အထက်တန်းစား၏ ဂိုက်မျိုး တစ်စက်မျှမပါချေ။ လမ်းဘေး ဖုတ်တောထဲမှာ ထိုင်လို့ပါပကော၊ ဘယ့်နှယ် ကြမ်းပိုးပါလိမ့်၊ ဂီတသံနှင့် မတန်လိုက်သည့် ဖြစ်ခြင်း။
အပျိုမကလေးသည် ရင်ကို မ ကာ အနောက်သို့ ယိုင်သွားလေ၏။ ငြူစူသော မျက်နှာထား၊ ကျိန်ဆဲနေသော နှလုံးဖြင့် ပြတင်းတံခါးကို ဂျုံးခနဲ ပိတ်၏။ အိုင်ဗီနွယ်ကလေးတစ်နွယ် တံခါးမှာ ညပ်ကာ ကြေမွသွား၏။ ခန်းဆီးကလေးသည်လည်း မြောက်တက်သွား၏။
အပျိုမကလေးသည် အိပ်ရာပေါ်သို့ ဆောင့်အောင့်လှဲချကာ စောင်ကို ခေါင်းမြီးတင်းတင်းခြုံ၍ ၊ မျက်စိအတင်းမှိတ်၍ အိပ်၏။
ညသည်လည်း မလှတော့ပြီ ။ တေးသံသည်လည်း မနုတော့ပြီ ။ ။
ကြည်အေး
posted by D Moe Thit at 8:23 PM
3 comments
